Storie di une femine coragjose a Teatri “Contatto”

Une femine di bessole, vitime di un stupri di grup e no crodude, si fâs in cuatri par afermâ une veretât che no pues jessi che dome une: la sô. Al torne a Teatri “Contatto” il regjist e dramaturc Antonio Latella cul spetacul “Wonder Woman”, che lu viôt autôr intune cun Federico Belini, in sene sabide ai 25 e domenie ai 26 tal Teatri “Palamostre” di Udin. In sene la protagoniste, une Wonder Woman, une amazon contemporanie, rapresentade di cuatri atoris – Maria Chiara Arrighini, Giulia Di Renzi, Chiara Ferrara, Beatrice Verzotti -, che e devente une super eroine, paladine de veretât e che e mande fûr un berli di bataie cuintri un sisteme no just. (A.I.) – 23.01.2025