Su la dighe di Grau a tornin i agns ‘80

A cuarante agns di un dai sucès estîfs plui grancj de musiche taliane, “Vamos a la playa”, Johnson Righeira (ven a stâi Stefano Righi) al torne sul lît par ripuartâ l’aiar dai agns ‘80. Martars al prin di Avost a Grau, su la rive Nazario Sauro, al presentarà un spetacul gnûf, compagnât de Sinfonica Honolulu, la principâl orchestre taliane di ukulele. Il conciert di chel che al è restât dai fradis Righeira al sarà dut dedicât ae musiche dai agns Otante, cuntun repertori rangjât di gnûf ad implen, che al cjaparà dentri cierts dai tocs plui impuartants di chê epoche. (A.I.) – 31.07.2023