Sucès a Cinemazero pes tessaris scontadis pai zovins

Daspò di un an, il Comun di Pordenon e Cinemazero a tornin adun par ufrî ai zovins fint ai 25 agns residents in citât la oportunitât di lâ al cine al cost simbolic di 3 euros, in graciis de “CinemazeroYoungCard”. Cheste tessare speciâl, buine par 365 dîs e ative ancje tal Gnûf Cine “Don Bosco”, e à regjistrât za intal prin an di sperimentazion 700 sotscrizions, che si son tradotis in passe 2.000 jentradis al cine di zovinis sot dai 25 agns. La tessare e fâs part di une politiche culturâl precise, atente al public dal avignî, che si concretize in tantis iniziativis, tacant dal program penç di proiezions vie pe matine che la associazion culturâl di Pordenon e à inmaneât pes scuelis: plui di 6.500 spetatôrs dome che l’an passât. (A.I.) – 19.02.2024