Sul palc e torne la corse che e je une metafore de vite

Vincj agns daspò de version fortunade cun Claudio Moretti e Fabiano Fantini in sene par passe un centenâr di replichis, la regjiste Rita Maffei e torne a cjapâ la sô regjie di “Maratona di New York”, il test scrit di Edoardo Erba, voltât e adatât pe lenghe furlane di Paolo Patui, par une gnove version pensade par une gjenerazion plui zovine di atôrs furlans: Daniele Fior e Marco Rogante, cu la assistence ae regjie di Luigina Tusini. Il test di Edoardo Erba al à vinçût intal 1992 a Darte il Premi Candoni pe gnove dramaturgjie e al è stât interpretât di Luca Zingaretti e Bruno Armando. In graciis dal impegn e ae sinergjie fra il CSS, Teatri stabil di inovazion dal Friûl-Vignesie Julie e i Teatri Stabil Furlan cu la colaborazion preziose de ARLeF, cheste corse sul palc che e devente une metafore de vite e torne in sene martars ai 11 tal Teatri “Pasolini “di Çarvignan. (A.I.) – 10.02.2025