Sul palc il public al fâs il spetacul di bessôl

Un formât american che al ufrìs al public la pussibilitât di jessi protagonist sul palc al rive pe prime volte in regjon pe rassegne “In Scena!” dal Ert. Il titul al è “A 1’000 ways: un’assemblea”, la tierce part di un tritic di spetacui ideâts di Abigal Browde e Michael Silverstone, rivâts in Italie in graciis di Sardegna Teatri e vuidât di Elisa Pistis. Sîs lis datis in program in regjon: joibe ai 4 e vinars ai 5 sul palc dal Auditorium comunâl di Listize, domenie ai 7 a Pontebe, di lunis ai 8 a miercus ai 10 a Sacîl. “Un’assemblea” al è un spetacul pensât par massime sedis spetatôrs che, cence altris personis in sale, a fasaran sù il spetacul e si che duncje a deventaran atôrs. (A.I.) – 03.04.2024