Sul palc la confession-conciert di une pianiste

Il Comun di S. Zuan dal Nadison al ospite joibe ai 9 aes 8.30 sot sere, intal Auditorium “Zorzutti”, Giovanna Pezzetta cul so spetacul “Abilitata”, acompagnade di Leo Virgili al Theremin. Partît par jessi no un spetacul, ma un conciert, inte confusion di identitât artistiche e esistenziâl e je invezit vignude fûr une conte cun piano, al confin tra confession publiche e cabaret musicâl. “Abilitata” al è il rindicont des disaventuris ridiculis e tristis e che a àn puartât la protagoniste, dopo trê laureis, trê fîs e tresinte concierts, a deventâ une docente titulâr. (A.I.) – 08.03.2023