Sunôrs di Irlande aes 7 di matine intal Parc dal Cormôr

Un gnûf dopli apontament pal festival internazionâl di musiche e teritoris “Nei suoni dei luoghi” (Intai sunôrs dai lûcs), daspò i prins fortunâts concierts de 24e edizion. Joibe ai 28, intal sagrât de Glesie di Sant Martin di Cjamplunc Tapoian, al sarà protagonist l’Al-Ándalus Clarinet Quartet, cun sonoritâts spagnolis e sudamericanis. Il secont apontament al sarà cul progjet “Prâts in musiche – Irlande Mediteranie”, sabide ai 30, dentri dal Parc dal Cormôr in Comun di Cjampfuarmit. Il conciert al previôt musichis e atmosferis irlandesis, sunadis cui struments de tradizion celtiche e gaeliche dal ensemble Green Waves: la cunvigne aes 7 de matine al Mulin di Basandiele, po dopo une cjaminade di plui o mancul 40 minûts. (A.I.) – 27.07.2022