Tananai, un sucès ‘no ocasionâl’

Intal Parc San Valentino di Pordenon, vinars ai 21 aes 9 sot sere, e rive une des rivelazions dai ultins agns: il cjantautôr Tananai, che dopo l’ultin puest a Sanremo 2022 cun ‘Sesso ocasionale’, deventât però un grant sucès radiofonic e di venditis, al à fat centri chest an cul toc ‘Tango’: une storie no vivude in prime persone, ma aurint de realtât che tantis personis a vivin ogni dì. Il cjantautôr milanês, nassût intal 1995, al puartarà sul palc i tocs dai siei trê albums, tra pop e dance, intune tape dal tour ‘Live 2023-Festival’. (A.I.) – 20.07.2023