Teardo al sune la aghe pal festival dal documentari

Si siere domenie ai 14 il “Pordenone Docs Fest”, un grant avigniment bon di produsi culture, di là di jessi une vetrine esclusive sul cine de veretât, in anteprime taliane. Il festival, inmaneât di Cinemazero cul alt patrocini dal Parlament European, al siere cuntun cine conciert esclusîf pai cent agns dal Istitût “Luce”. “Acqua, porta via tutto” (Aghe, puarte vie dut) al è il titul dal spetacul – cu la regjie di Roland Sejko e lis musichis componudis e fatis dal vîf dal compositôr pordenonês Teho Teardo (Ciak d’Oro, premi Ennio Morricone) e il so cuartet, cui viers inedits – creâts a pueste pal spetacul – di Gian Mario Villalta. (A.I.) – 13.04.2024

Foto di C. Pajewski