Teatri a scuele cuintri la violence di gjenar

“Se non avessi più te…” (“Se no ves plui te…”), il spetacul teatrâl e musicâl pai fantats des scuelis superiôrs, scrit di Manuel Buttus, cul stes Buttus, Nicoletta Oscuro e Matteo Sgobino, al va in sene martars ai 10 e miercus ai 11, aes 11.15 di matine, tal Capitol di Pordenon e intal auditorium Zotti di S. Vît dal Tiliment. Al è un lavôr che al prove a fâ i conts cu lis resons tiradis fûr di cierts oms che a rivin a copâ une femine dome parcè che e je “femine”. La scriture seniche dal Teatrino dal Rifo si cjate par chest progjet cu la ricercje musicâl e vocâl di Nicoletta Oscuro e Matteo Sgobino e e devente un teatri sclet e autentic. (A.I.) – 09.12.2024

Foto di K. Martini