Teatri cjançon par vierzi il festival dedicât aes feminis

Al sarà il Freevoices Show Choir a vierzi joibe ai 25, aes 8.30 sot sere al teatri Verdi di Gurize, la decime novesime edizion dal festival “èStoria”, chest an dedicât al teme “Feminis”. Il conciert, presentât dal grup diret di Manuela Marussi, si intitule “Siamo così”, un percors di riflession sul feminin che al è stât inmaneât, inte forme dal teatri cjançon, propit in linie cu lis propuestis tematichis de manifestazion gurizane di chest an. La vôs di Paola Aiello, che e à colaborât ae scriture e ae sielte dai tescj, e conte i aspiets diviers di une cuistion ancjemò vierte. (A.I.) – 24.05.2023