Teatri di figure: si siere a Gurize

Al scomence martars al prin di Otubar, a Gurize e a Gnove Gurize, la seconde part dal “Alpe Adria Puppet Festival”, l’apontament internazionâl e transfrontalîr di teatri di figure, ideât e inmaneât dal CTA – il Centri di teatri animazion e figuris di Gurize, sot de direzion artistiche di Roberto Piaggio. Dopo l’esordi in Istât a Grau, la trentesime tierce edizion, caraterizade dal teme “Ilusions”, e va indevant cun zornadis concentradis sul teatri di figure di inovazion e sperimentâl, su lis contaminazions cun altris arts e cuntun coinvolziment plui atîf dal public. Il prin apontament al è la scree de mostre “3…2…1…GO!2025”: di dopomisdì, i spetacui tal Kulturni Center Lojze Bratuž di Gurize. (A.I.) – 30.09.2024