“Teatro Contatto” al torne a tacâ dal Vaiont

Al cjale la nature e il dì di doman la gnove stagjon di “Teatro Contatto”, che e dure un an, e je ideade dal CSS, teatri stabil di inovazion dal F-Vj e e je dedicade dal dut, fin des origjins, ae inovazion dai lengaçs artistics e ae sene contemporanie internazionâl. Di Setembar a Mai, scomençant cuntun avigniment speciâl pal sessantesim aniversari dal Vaiont, a son in cartelon 19 spetacui intal segn des arts senichis contemporaniis par 27 seradis di spetacul dal vîf, cun 8 gnovis produzions e coproduzions dal CSS intai teatris Palamostre e S. Giorgio di Udin. La direzion artistiche formade di Fabrizio Arcuri, Rita Maffei e Fabrizia Maggi e à sielt, tra i nons, Emma Dante, Carrozzeria Orfeo, Wu Ming, Marta Cuscunà, Filippo Nigro… (A.I.) – 05.09.2023