180
Par tacâ il 2023, si scree il gnûf lavôr firmât dal Teatro Incerto. “Cumbinìn” al è il titul dal spetacul, prodot dal CSS Udin, che al larà in sene in prime assolude intal circuit dal Ert vinars ai 13 al Teatri “Sociale” di Glemone. Se intal precedent “Guarnerius” Fabiano Fantini, Claudio Moretti e Elvio Scruzzi a jerin acompagnâts di Angelo Floramo ae scuvierte de figure di Varnîr di Dartigne, in “Cumbinìn” e sarà invezit Martina Delpiccolo, critiche leterarie, autore e diretore artistiche de “Gnot dai Letôrs a Udin”, a dividi il palc cui trê di Grediscje di Sedean. Il spetacul al strice ancjemò il voli al teatri dal assurt, ma al riflet cun lizerece su ce che e je la Poesie traviers sugjestions leterariis. (A.I.) – 11.01.2023
