Tesla, un sienziât tra storie e liende

Al sarà “Tesla” il prossim spetacul de rassegne “Innesti – Connessioni teatrali affatto prevedibili”, ideade dal centri di produzion teatrâl ArtistiAssociati, intes seradis dai 12 ai 14 di Dicembar inte Sale Bergamas di Gardiscje. E je une coproduzion dal CSS, Teatri stabil di inovazion dal F-Vj cu La Contrada, Teatri stabil di Triest, che e propon la creazion seniche di Ksenija Martinović e Federico Bellini, ancje autôrs, cun protagoniste la stesse Martinović. Il spetacul al indaghe la figure di Nikola Tesla, il grant sienziât che intai prins agns dal Nûfcent al è stât tra i plui grancj inventôrs de storie. Il spetacul al ripasse lis vicendis di un sienziât cuntune vite di liende, no simpri cognossudis des cronichis dal dì di vuê, e dispès ogjet di seticisim de bande de sience uficiâl. (A.I.) – 11.12.2024