Trê cines ducj al feminin a Cinemazero

Trê cines par une propueste che e viôt intun Cinemazero e “Pordenone Docs Fest — Lis vôs dal documentari”, par valorizâ il lavôr di trê regjistis e testemoneâ la validitât dal lôr cine e de lôr ricercje. Trê documentaris par mostrâ e aprofondî un cine dai segns origjinâi, contât cun creativitât, doprant archivis, memorie, viaçs. Si tache joibe ai 9 di Mai aes 8.45 sot sere, cuant che la regjiste Irene Dorigotti e presentarà a Cinemazero il so documentari “Across”, un cine spirituâl “su la strade”. La rassegne e larà indenant joibe ai 15 cun Costanza Quattriglio e il so ultin documentari “Il cassetto segreto” (Il scansel segret) e si sierarà ai 22 cun “Amor” di Virginia Eleuteri Serpieri. (A.I.) – 08.05.2024