8
La compagnie Arearea e je la gnove protagoniste de rassegne “Innesti – Connessioni teatrali affatto prevedibili”, ideade di ArtistiAssociati, intes seradis dai 13 ai 15 di Novembar te Sale Bergamas di Gardiscje. La compagnie udinese e proponarà par ogni serade cualchi cuadri diviers. Miercus ai 13 a saran sul palc cun “Habitus – Rebis” e “Fortissimo”, che a esplorin la identitât. Joibe ai 14 a saran proponûts “Flat Lands” e “Locus Solus” e vinars ai 15 “Lend me your ears”, ispirât a une scriture dal 1963 di Pier Paolo Pasolini che lu met in relazion ae danze: un percors di ricercje che e cjape dentri artiscj di clare innomine e zovins emergjentis par rifleti su cualchi domande fondamentâl dal nestri presint. (A.I.) – 12.11.2024
