Trê storiis di feminis in vuere

Di joibe ai 11 a sabide ai 13, la Sale Bergamas di Gardiscje e ospitarà, inte suaze de rassegne “Innesti”, ideade di ArtistiAssociati, il spetacul ‘Letizia va alla guerra…’ di Agnese Fallongo, ancje interprete cun Tiziano Caputo, che al firme il rangjament e l’acompagnament musicâl. E je la storie di trê grandis feminis traviers dôs vueris mondiâls, cuntun stes non e un sôl destin. Trê feminis dal popul, cjapadis sot de vuere intal lôr vivi cuotidian, che si cjataran a savoltâ lis propriis vitis e a fâ piçui e grancj ats di cûr in non dal amôr. Une di chestis e je ispirade ae storie tragjiche di Maria Plozner, la puartadore cjargnele copade di un soldât austriac intal 1916. (A.I.) – 10.05.2023