Triest ancjemò capitâl dal cine latin

A Triest al torne il Festival dal Cine latin american, dai 13 ai 20 di Otubar. Ae vilie dai siei prins cuarante agns, che al celebrarà intal 2025, al propon un program plen di storiis, riflessions e memoriis. Une investigazion su la anime profonde de Americhe Latine, sul so spirt ribel e rivoluzionari, su lis sôs storiis cuotidianis. Si tache cul documentari “Vlasta. Apuntes para un documental” di Candela Vey, che al è un omaç a Vlasta Lah, la prime femine regjiste dal cine argjentin, nassude a Pola e cressude a Triest. Il Premi “Allende”, che al ricognòs l’impegn intal riscatâ la memorie e la storie dai popui latinoamericans, al è stât assegnât al regjist grêc e francês Costa-Gavras, che lu ritirarà la sere de cerimonie di premiazion, sabide ai 19 di Otubar. (A.I.) – 12.10.2024