I grancj concierts a tornin tal stadi di Udin a dodis agns dal ultin grant apontament, chel cui Metallica. Dopo vê decidût i ultins problemis (l’acuardi cu la societât Udinese Calcio), cumò i tocje ai Negramaro, il grup pop rock salentin, l’onôr di tornâ a vierzi lis puartis dal implant ae musiche, cu la uniche date intal Nordest dal lôr tour intai stadis dal titul “Da Sud a Nord – Stadi 2024”, fra chei plui spietâts dal Istât talian. Il conciert de band di Giuliano Sangiorgi, che al è partît di Napoli, e fâs tape tal Bluenergy Stadium martars ai 18. E ancje se no saran plui di 40 mil personis tant che al sucedeve agnorums indaûr, al è un avigniment storic. Domenie ai 23, po dopo, al sarà inmaneât ancje il conciert tant spietât dal bluesman talian che il mont nus invidie, Zucchero. (A.I.) – 17.06.2024
Udin, a tornin a tacâ i concierts tal stadi
42