Ultin conciert par “Nei Suoni dei Luoghi”

Il festival internazionâl di musiche e teritoris “Nei Suoni dei Luoghi” (“Intai sunôrs dai lûcs”) al siere la vincjesime seste edizion cul ultin avigniment dal program di passe 30 concierts e iniziativis colaterâls dal mês passât di Jugn in regjon, ma ancje in Slovenie, Austrie e Estonie, cu la direzion artistiche de pianiste di innomine internazionâl Gloria Campaner e de violiniste Valentina Danelon. Joibe ai 5 tal Teatri Odeon di Tisane, a lâ sù sul palc cuntun program cun musichis di Beethoven e Schumann al sarà il Cuartet di arcs Della Scala, propit cun Gloria Campaner al piano. (A.I.) – 04.12.2024