4
Al sarà l’ultin conciert dal Istât: “La ultime gnot colôr di rose – Il tour” finâl, la straordenarie tournée mondiâl che Umberto Tozzi al à sielt par dâ il so adiu ae sene dal vîf e che al è daûr a passâ trê continents. Sabide ai 21 al rive a Lignan pe date in program te Arene Alpe Adria, un grant avigniment che al siere il “Lignano Sunset Festival”. Daspò di 50 agns di cariere, passe 80 milions di discs vendûts e plui di 2000 concierts, cheste e je la ultime ocasion par vivi lis emozions dai concierts di Tozzi, acompagnât di une orchestre di 21 elements. (A.I.) – 20.09.2024
