Un altri ‘mostri’ dal rock in Friûl

Gnûf apontament internazionâl cu la musiche di autôr intal Istât di Palme. Joibe ai 13, sul palc de Place centrâl, al sarà Steve Hackett, ‘mostri sacri’ dal “progressive rock”, cognossût e amât in dut il mont sedi pal so lavôr cui Genesis (vot albums regjistrâts dal 1971 al 1977), sedi pe sô cariere soliste brilante. La date di Palme e sarà l’unic conciert intal Nordest de tournée mondiâl dal artist, dal titul “Genesis Revisited World Tour – Foxtrot at Fifty + Hackett Highlights”. Un conciert che al segne il cincuantesim aniversari dal album “Foxtrot”, che al à metût i Genesis al centri de sene rock britaniche e mondiâl. (A.I.) – 12.07.2023