Un an intai magredis, al cine

Li dal Visionario di Udin miercus ai 9 aes 8.30 sot sere e tal Cinemazero di Pordenon joibe ai 10, in colaborazion cul CAI di Pordenon, Ivo Pecile e Marco Virgilio a presentin il lôr ultin documentari “I magredis”, prodot de Regjon Friûl-Vignesie Julie. Il cine al conte un an intîr passât intai magredis, lant daûr dal cicli de vite dai prâts stabii, lis floridis spetacolârs e il lavôr preziôs dai insets impolinadôrs, cjatant i custodis de memorie e i protagoniscj dal disvilup presint e futûr di chestis tieris. La storie evolutive des tieris magris furlanis, la lôr biodiversitât straordenarie e il rapuart cu lis ativitâts dal om a costituissin la trame di chest viaç penç in paisaçs disconfinâts. (A.I.) – 08.04.2025