Un cartelon cui vincidôrs dai premis di musiche

Cinc ecelencis musicâls dal Friûl-Vignesie Julie, concors internazionâi di riferiment par zovins e artiscj di talent di dut il mont si dan adun ancje cheste Vierte par proponi i gnûfs concierts dal cartelon “Quinta giusta” (Cuinte juste), dut intal segn di GO!2025. La rassegne, in program tal Auditorium de Culture Furlane di Gurize, al presente al public i miôr talents premiâts intes ultimis Stagjons dai concors internazionâi che si fasin in regjon: Piano FVG a Sacîl, il Premi “Trio di Trieste”, il Concors “Citât Di Purcie”, il “Piccolo Violino Magico” (“Piçul Violin Magjic) di S. Vît dal Tiliment, il “Seghizzi” di Gurize. Prin apontament martars ai 25 cul spetacul “Suggestioni romantiche” (Sugjestions romantichis”) dal francês Trio Nebelmeer, prin al Premi “Trio di Trieste” 2024. Il dì dopo, il conciert “Un viaç traviers notis musicâls fra Gjapon, France e Italie” cul pianist Ryutaro Suzuki. (A.I.) – 24.03.2025