Un cine dal orôr su lis monts furlanis

Il cine “L’angelo infelice” dal regjist Paolo Strippoli – tra i plui zovinis e interessants regjiscj dal orôr de Italie – al sarà zirât in Friûl-Vignesie Julie. Il prin clac al è previodût par vinars ai 23 e lis ripresis a laran indenant fint a Otubar. Lis localitâts che a saran tocjadis dal set – preparâts tal viert e tal sierât – a son Tarvis, Malborghet, Pontebe e, pe prime volte, Sapade. La produzion dal luncmetraç e je sostignude di un contribût de Friûl-Vignesie Julie Film Commission – PromoTurismoFVG, in plui che dal Ministeri de Culture. La senegjature di chest cine, che al conte di un insegnant dal passât dolorôs, che al va a stâ intun comun di mont che al scuint un segret preocupant, al à vinçût intal 2019 il prestigjôs premi Solinas. (A.I.) – 22.08.2024