Un cine par doi furlans ‘discomuts’

David Maria Turoldo, un religjôs discomut dentri di une Glesie che e veve dibisugne di rinovament. Pier Paolo Pasolini, un inteletuâl cuintri curint intune societât plene di ossessions consumistichis. Dôs figuris impuartantis di riferiment, leadis des lidrîs in Friûl e dal fat di di vê cognossût une sorte di ‘esili’. A contâ il lôr leam al è il documentari “Stare al mondo. Turoldo e Pasolini”, li dal Cinemazero di Pordenon martars ai 26. La proiezion e sarà introdote di Piero Colussi, cui salûts di Loris Basso, president dal Ente Friuli nel Mondo, che al à promovût il cine prodot de ‘Officina della Comunicazione’, pe regjie di Omar Pesenti. (A.I.) – 25.09.2023