Chest an al è jessût il so tierç album par furlan, “Gotes”, daspò dal prin disc prodot di bessôl, “Conte Flame” (2015), e chel dopo “The Dreamer” (2018). L’album al è stât prodot dal roman Edoardo De Angelis, za produtôr di Francesco De Gregori, Sergio Endrigo…, che lu calcole “pardabon un artist, sclet e fûr dal timp, si che duncje bon par ogni timp”. Daspò des laudis de critiche, ancje tal forest, al è rivât ancje un altri risultât pal cjantautôr nassût in Cjargne tal 1995, erêt dai grancj esponents de musiche popolâr furlane. Di miercus 10 fint ai 12 di Otubar, Alvise Nodale al sarà a Cagliari pe decime setime edizion dal premi “Andrea Parodi”: al è un dai nûf finaliscj de innomenade rassegne di “musiche dal mont”, nassude tal non dal cjantant dai Tazenda. (A.I.) – 07.10.2024
Foto di I. Wight
