Un classic dal teatri pai fruts a Cjasarse

Un incuintri speciâl e insolit jenfri musiche e flabe, il sun e la conte, e je la propueste dal Molino Rosenkranz pe cuarte tape de rassegne “Fila a Teatro”, in program domenie ai 3 tal teatri “Pasolini” di Cjasarse cui artiscj de compagnie toscane Il Faro pe prime regjonâl dal spetacul “La storia dell’elefantino Babar e i racconti di Mamma Oca” (La storie dal elefantut Babar e lis contis di Mame Ocje”). Lis musichis di Ravel e Poulenc par piano a 4 mans, fatis di Luca Innocenti e Edoardo Benucci, si fondaran cu la conte des flabis fate dai atôrs Tommaso Matteuzzi e Silvia Licciardo e cul segn de ilustradore Daisy Pacella.  (A.I.) – 02.11.2024