Un classic de leterature, cumò in version ‘cjantade’

Fra lis 100 oparis fondamentâls de culture americane, “Piccole donne” al è un romanç cence timp, une storie buine pal public di ogni etât, che e à vût une vore di trasposizions cinematografichis e televisivis, deventant fintremai un balet e une opare liriche! Cumò la Compagnia dell’Alba le presente al public di Monfalcon inte version musicâl di Broadway, puartant a Teatri lis storiis des cuatri sûrs March, joibe ai 2 e vinars ai 3.  Une storie che e je stade lete di sîs gjenerazions: “Chê di vuê, invezit – a disin i produtôrs -, le cjantarà”. (A.I.) – 01.03.2023