4
Dopo la polse pes fiestis di Nadâl, al torne a tacâ di S. Vît dal Tiliment “Piccolipalchi”, la rassegne difondude curade dal Ent Regjonâl Teatrâl dal Friûl-Vignesie Julie in colaborazion cu lis aministrazions comunâls e cu la poie de Fondazion Friuli. Sabide ai 11, aes 5 di dopomisdì, l’Auditorium dal centri civic al ospitarà “Alice! È tardi”, un spetacul di teatri di figure cun pipins e buratins di peluche firmât dal CSS di Udin e dal teatrodelleapparizioni. Nassût di une idee di Fabrizio Pallara, il spetacul al è ispirât al romanç celebri di Lewis Carroll “Le avventure di Alice nel Paese delle Meraviglie”, un classic de leterature di ducj i timps. (A.I.) – 10.01.2025
Foto di A. Durigatto
