141
Un viaç musicâl par celebrâ la figure poliedriche di Pier Paolo Pasolini, la sô carateristiche ecezionâl di molteplicitât e unitât che e cjape dentri i opuescj – studiât e popolâr, sacri e profan, etic e religjôs – doprant lengaçs e tecnichis espressivis buinis di dâ cjapâ dentri e comunicâ contignûts assolûts midiant di percors diviers e varis. “LYRA, in memoria di P.P.P” al è il titul dal spetacul in program martars ai 6 di Setembar, aes 9 di sere a Udin, in Cort di Palazzo Morpurgo, par “Armonie in città” (organizât de Fondazion Bon cun Ert Fvj). Sul palc, une bande cul pianist Stefano Battaglia, autôr des musichis ispiradis aes poesiis dal Pasolini furlan, e la cjantante Elsa Martin. (A.I.) – 05.09.2022
