Un conciert jazz a 60 agns de muart di Cole Porter

Doi concierts par completâ la propueste plene di iniziativis in citât inte setemane de fiere Sicam. Martars ai 15 e joibe ai 17 di Otubar, “Piano City Pordenone” e ripropon pe seconde edizion la rassegne “MuSicam”, i apontaments musicâi inmaneâts in ocasion de fiere in program a Pordenon. I doi apontaments a son proponûts inte seconde edizion dal cartelon “Enjoy Pordenon with Sicam”, une schirie di avigniments colaterâi dentri dal centri storic: inte sale de Cort dai Orts in place della Motta. Si tache cuntun duet jazz dome vôs e piano cun Anna Passuello e Nicola Guidolin: un omaç a Cole Porter, intal dì li che a colin sessante agns de muart. Joibe, invezit, il serp Milan Slijepčević al sarà protagonist di un conciert al piano. (A.I.) – 14.10.2024