Dopo la polse estive, al torne cui ultins apontaments “More Than Jazz”, che pe ocasion al presentarà in anteprime assolude il prin album di “leader” pe etichete doKumenta Music (SimulArte) dal zovin contrabassist furlan Alessio Zoratto. Joibe ai 26 aes 6.30 dopomisdì tal palaç Antonini Stringher, sede de Fondazione Friuli a Udin, il musicist al presentarà “Canvas Melodies”: dîs gnovis composizions ispiradis a dîs oparis mestris de art contemporanie che a àn segnât i moments clâf de vite dal artist. L’album al è in jessude il dì dopo su cd, in vinîl e in digjitâl. Il conciert si fasarà al tramont, su la terace dal palaç storic, cun ancje trê professioniscj dal panorame jazz internazionâl: Manu Codjia, Giovanni Perin e Paul Wiltgen. (A.I.) – 25.09.2024
Foto di L. d’Agostino
