Un conciert sinfonic ‘zovin’ par sunâ i bai

Un conciert sinfonic des danzis antighis ae musiche di discoteche par cure di un grant progjet di rêt che e cjape dentri plui di 40 musiciscj di diviersis scuelis di musiche de nestre regjon. “Giovani in orchestra”, sostignût de Fondazione Friuli, une idee dal diretôr artistic Giorgio Cozzutti de scuele di musiche di Codroip, al è diret di Alessio Venier de orchestre dai zovins Filarmonici Friulani. Il conciert a jentrade gratuite si tignarà in trê replichis: vinars ai 28 al teatri Lavaroni di Dartigne, sabide ai 30 al Pasolini di Cjasarse e domenie al prin di Otubar a Pantianins, dulà che la orchestre e sunarà cu la Second Big Band di Sedean direte di Fabrizio Fontanot. (A.I.) – 28.09.2023