Un conciert spetacul par un Mont in crisi

Il nestri Mont al è aromai cu la aghe al cuel. A son tancj che lu disin, ma la Banda Osiris, valutade la massime espression in Italie de comicitât intal teatri musicâl, e à decidût di fâ alc: sunâ, balâ e contâ cheste robe intal conciert spetacul “AquadueO – Un pianeta molto liquido”, cul filosof de sience Telmo Pievani. Incuinament, mudaments climatics e l’efiet sidrere a son lis emergjencis al centri dal dibatiment che la Banda Osiris e puarte in sene miercus ai 3 di Avrîl tal teatri Pasolini di Çarvignan par une serade di musiche e teatri spartide dal CSS e di Euritmica. Al è un spetacul gnûf dal dut, dome cun tocs mai sintûts prime, che al torne a fâ scuvierzi la vene oniriche e sureâl di cuant che la Banda e veve tacât. (A.I.) – 02.04.2024