55
Il ghitarist udinês Michele Pirona, za vincidôr cul toc “Irish Tunel” dal concors “Fai volare la tua musica” e judicât intal 2022 miôr ghitarist talian acustic, al sarà protagonist vinars ai 31 di un conciert acustic a Gramoian di Cuar di Rosacis inte aziende agrituristiche Sant Blâs. In câs di brut timp, il conciert al sarà domenie ai 2 di Jugn aes 7 sot sere. Cun Pirona la femine, la cjantante Marina Bargone, che e à une lungje cariere di colaborazions dal vîf e di esperiencis tant che turniste in studi par gjenars diferents. (A.I.) – 30.05.2024
