Un festival pal cine ‘di gjenar’ in dute la regjon

E tache in regjon la rassegne cul miôr cine european di gjenar, vuê celebrât tant che repert, dopo jessi stât ignorât par decenis. “Grindhouse”, chest il titul de rassegne par un public zovin, tant atent e competent, usât a consumâ chescj cines ai festivai o a cjase, tal home video o su lis plateformis. I cines in program a saran votâts ancje dal public di ducj i cines tirâts dentri, par decretâ il vincidôr finâl. A vierzi la rassegne “As bestas” di Rodrigo Sorogoyen, za vincidôr di nûf Premis Goya 2023, il ricognossiment plui impuartant dal cine spagnûl! Si scomence lunis ai 20, di sere al Cinemazero di Pordenon, martars ai 21 al Ariston di Triest, po dopo al Kinemax di Gurize e al Visionario di Udin. (A.I.) – 20.03.2023