Un fûr di classe dal piano a Palaç Antonini

La stagjon musicâl de Academie di studis pianistics “Antonio Ricci” di Udin e va indevant sabide ai 29 cuntun autentic sunadôr fûr di classe dal piano, Benedetto Lupo, un dai interpretis plui aclamâts dal dì di vuê. Docent te Academie Nazionâl di Santa Cecilia di Rome, Benedetto Lupo al sunarà inte sede de Universitât dal Friûl, tal Palaç Antonini, puartant il public traviers cualchi pagjine di chês plui sugjestivis scritis di Maurice Ravel a cent e cincuante agns de nassite. Calcolât de critiche un dai pianiscj plui rafinâts e versatii de sô gjenerazion, Lupo al è stât il prin talian inte storie a vinci il prestigjôs concors internazionâl “Van Cliburn”. (A.I.) – 28.03.2025