20
La corâl polifoniche di Rude direte di Fabiana Noro, dopo vê sierât il 2024 cun sîs concierts in regjon e dopo vê presentât la seconde part de opare “Genesis” di Renato Miani dedicade ae citât di Cividât – part di un progjet di valorizazion des trê citâts Unesco de nestre regjon che al impegne la corâl di cualchi an in ca cuntune opare dedicade a Aquilee, Cividât e Palme – e je daûr a lavorâ ai gnûfs progjets. In particolâr, la version de opare di Arnold Schoenberg “Un sopravvissuto di Varsavia”, che e sarà presentade ai 27 di Zenâr, il dì de memorie, tal teatri gnûf “Giovanni da Udine”, di buinore pes scuelis e po dopo, sot sere, te suaze de stagjon uficiâl dal Teatron. (A.I.) – 07.01.2025
Foto di M. Kranjec
