Cun passe 100 zovins musiciscj di talent che a vegnin di dute Europe, pal novesim an consecutîf si cjate in residence artistiche tal Teatri “Verdi” di Pordenon la Gmjo – Gustav Mahler Jugendorchester, la plui innomenade e celebrade orchestre zovine tal mont, che ogni an e selezione i miôr zovins musiciscj a nivel european tra plui di 2.500 candidâts. Un progjet di alte formazion musicâl che si rinove in graciis de poie de Regjon e di PromoTurismo F-Vj cul Comun di Pordenon. Propit di Pordenon al tache in prime assolude, sabide al prin di Jugn, il tour european 2024 de Gmjo, che e tocjarà Italie, Spagne e Portugal, cuntun conciert di ecezion diret dal grant Kirill Petrenko. In program un monument in musiche: la grandiose “Cuinte Sinfonie” di Anton Bruckner, par celebrâ i 200 agns de nassite dal compositôr austriac. (A.I.) – 31.05.2024
Foto di W. Hoesl
