Un grant sucès al torne dopo agnorums

Une storie di grant sucès dal comediograf e atôr inglês Ray Cooney, “Se devi dire una bugia, dilla grossa” al è stât un cjaval di bataie di Johnny Dorelli, Paola Quattrini e Gloria Guida. Il spetacul al torne sul palc a plui di trente agns di distance de prime metude in sene taliane intune gnove version, volude di Gianluca Ramazzotti, che e fasarà tape par dôs seradis intal circuit dal Ert: martars ai 17 al Teatri Ristori di Cividât e miercus ai 18 al Auditorium Aldo Moro di Cordenons. Sul palc cun Paola Quattrini a saran ancje Antonio Catania, Gianluca Ramazzotti, Nini Salerno e tancj altris, cjapade dentri Paola Barale inte part che e fo di Gloria Guida. (A.I.) – 16.01.2023