Un grup furlan in gare te finâl di “Sanremo Rock”

Pal tierç an di file, une band furlane e partecipe ae finâl di “Sanremo Rock”. Anzit, simpri la stesse formazion, lis Radici Amare, un grup in continue evoluzion nassût inte zone di Çarvignan in plene pandemie tal 2021. L’esordi, par Stefano Zanfabro, Glenda Grilli e chei altris musiciscj, propit sui palcs des selezions di Sanremo Rock fin ae prove finâl tal teatri Ariston. Joibe ai 7 a saran ancjemò une volte su chel palc, in finâl cul lôr sun fedêl al rock, dopo che di setemanis in ca il lôr singul e video “Che cosa c’è” al è in circolazion su lis plateformis digjitâls. (A.I.) – 06.09.2023