Un itinerari musicâl des monts al mâr

Pal setim an di file al torne “Friuli concertante”, rassegne che i Amîs de Musiche di Udin a proponin tal vert, tes vals di mont, dongje dai cors di aghe, tai mulins e filârs di vîts, ma ancje in lozis, museus e salis consiliârs. Al centri dal progjet il Friûl: tiere che e incrose culturis e plene di storie, tradizions, liendis, lenghis. A son 40 i concierts previodûts cuntun centenâr di interpretis, intun itinerari dal mâr aes monts in lûcs che a son une maravee, presentant al public palcs naturâi e architetonics adun cun programs musicâi ideâts di pueste pal lûc. La inaugurazion e je ancje il prin apontament dai “Concerti Torriani”, inte Torate di Sante Marie a Udin martars ai 20, dulà che aes 7.22 sot sere il pianist Andrea Bacchetti al sunarà lis “Variazioni Goldberg”. (A.I.) – 19.06.2023