Un mês di concierts intai cjistiei dal Friûl

Si scree domenie ai 5 la decime prime edizion dal Festival Udine Castello. Dîs in dut i apontaments organizâts vie pal mês dai Amîs de Musiche a Udin, Cividât, Palme, Dartigne, Murùs, Grau e Rosacis: concierts, conferencis, incuintris e visitis vuidadis. Domenie aes 11 di matine, intal Salon dal Parlament dal Cjistiel di Udin, al è previodût un conciert firmât Ert dal F-Vj cu la Orchestre di arcs “Arrigoni” direte di Domenico Mason e cu la partecipazion dal ecletic pianist Andrea Bacchetti tant che solist, intun program che al previôt oparis mestris di Nino Rota, a 45 agns de muart. Il Festival al è inmaneât dai Amîs de Musiche di Udin cu la direzion artistiche di Luisa Sello. (A.I.) – 04.05.2024

Foto Viterbo Fotocine