Un musical di chenti su lis lavoradoris de Basse

L’Auditorium Biagio Marin di Grau al da acet vinars ai 8 al spetacul “Le mondine di Fossalon e della Bassa Friulana”, la gnove produzion de associazion Grado Teatro: un musical “di chenti” che al siere la trilogjie sui mistîrs antîcs des feminis achì, tacade cun Le Anciughere (2019) e lade indevant cun Le Tabacchine (2022). Scrit di Giorgio Amodeo, al conte i prins agns dal Nûfcent, cuant che in ciertis zonis de nestre Regjon si tacà a coltivâ il rîs. No dome par vê un prodot gnûf di vendi, ma ancje pe bonifiche des palûts, mudadis in zonis là che si podeve vivi. Lis “mondine” a jerin feminis zornadîris che a fasevin un lavôr dûr e impegnatîf, dispès mal paiât e a risi di jessi molestadis de bande dei parons. (A.I.) – 07.03.2024