Un pianist internazionâl pe academie “Ricci”

La stagjon conciertistiche de academie di studis pianistics “Antonio Ricci” e propon sabide ai 25 un gnûf apontament intal segn de grande musiche. A lusî al sarà cheste volte il pianist Michele Campanella, simpri tal Palaç Antonini, sede de Universitât dal Friûl. Artist di caratar versatil, grant virtuôs e cetant preseât a nivel internazionâl, ancje tant che diretôr e solist cu lis orchestris plui prestigjosis, Campanella al proponarà un program cun dôs grandis oparis mestris a confront di Beethoven e Liszt. (A.I.) – 24.05.2024