Un plan e un plen di efiets visîfs su la dighe di Grau

Al “Grado Festival – ospiti d’autore”, martars ai 25 su la dighe Nazario Sauro, al rive un dai personaçs plui interessants de sene musicâl taliane contemporanie, il pianist e musicist eletronic Dardust (nassût Dario Faini), che al à di pôc acompagnât Elisa in tour, dopo vê colaborât cun artiscj internazionâi tant che Benny Benassi e Sophie and The Giants, e al à publicât l’album “Duality”, dulà che al dimostre in plen dute la sô versatilitât. Pionîr de musiche classiche alternative, Dardust al metarà in sene lis sôs dôs animis – dome piano e musiche eletroniche – intune esperience multidimensionâl e uniche, cun efiets visîfs spetacolârs. (A.I.) – 24.07.2023