Un produtôr di Udin al fâs ‘tornâ a vivi’ Califano

Se al fos ancjemò vîf, vuê ai 14 di Setembar Franco Califano al varès fat 85 agns. A restin lis sôs cjançons, tantis di chês ancjemò ineditis e di scuvierzi. Par celebrâlu, il produtôr udinês Alberto Zeppieri al à metût in piste une schirie di ecelencis de musiche di autôr taliane e al à ideât il progjet discografic “Sarò Franco. Canzoni inedite di Califano”. Un disc a plui vôs, in jessude propri il dì dal complean dal “Califfo”, fat cul jutori di cuatri diretôrs artistics di grant nivel. Tra chescj al è Federico Zampaglione dai Tiromancino, autôr dal singul “Trastevere”, che al à anticipât la jessude dal album. Chei altris a son Morgan, Franco Simon e Grazia Di Michele, ma tra i artiscj tirâts dentri al è ancje Alberto Fortis. I tocs a son stâts dâts a Zeppieri di Frank Del Giudice, autôr dai tescj di Califano, dopo jessi restâts par agns intai scansei. (A.I.) – 14.09.2023