Un puint de Sardegne a Prate di Pordenon

Seconde tape pal tour 2025 dai Tazenda ai 30 di Març li dal PalaPrata di Prate di Pordenon a sierade di “Tiere di Sardegne”, l’apontament inmaneât par tirâ sù un puint culturâl jenfri Friûl-Vignesie Julie e Sardegne. Il tour al puarte il titul significatîf di “Bonas Noas!” lant a riscuvierzi il messaç di chel toc dal 1995 che al assegnave ae poesie, e in gjenerâl ae art, il podê straordenari di savê puartâ lis buinis gnovis che ducj o vin dibisugne. Sul palc, i doi fondadôrs Gigi Camedda e Gino Marielli cul rest dal grup. (A.I.) – 29.03.2025